INSTRUKSIES VIR INSKRYWINGS DEUR INDIVIDUE EN OUERS:

• Kies om ’n span op jou eie profiel te registreer deur te klik op “Registreer myself”. Indien jy ’n tweede span wil registreer, klik op “Registreer iemand anders”, voltooi een van die spanlede se inligting (net die verpligte velde) en klik op “Save & Close”, waarna die platform jou na die bladsy sal neem waar jy die res van die span se inligting kan voltooi.
• Voltooi die span se inligting in die gegewe velde, en klik op “Save Responses”. Klik dan op “Proceed to Checkout”. Klik dan op “Place order”.
• Betaal op die platform via kredietkaart of die “Instant EFT”-funksie, of kies om later te betaal. As jy laasgenoemde kies sal ’n faktuur genereer word met besonderhede vir betaling via eksterne EFT. Hierdie faktuur sal gegenereer word en gestoor word onder die “Betalings”- of “Finansies”-bladsye wat op jou tuisblad is (Gebruik die verwysing op die faktuur sodat die stelsel jou betaling met die inskrywing kan rekonsilieer). ONTHOU: As jy op die stelsel betaal, sal jou krediete dadelik wys. Indien jy ’n EFT doen, moet jy 24 uur wag.
• Wanneer die betaling ontvang is, sal jy op jou tuisblad onder die “ATKV-Projekte”-bladsy, by “ATKV-DigiSpanpraat” ’n skakel sien waar die span se video opgelaai kan word. Klik op “Laai ATKV-DigiSpanpraat inskrywing”.
• Deelnemers wat inskryf, moet die ATKV kontak om te bevestig of die inligting wel ontvang is as hulle binne een week geen bevestiging van ontvangs kry nie.

   

  INSTRUKSIES VIR INSKRYWINGS DEUR SKOLE:

• Op jou profiel se tuisblad, wanneer jy verder afbeweeg op die bladsy, sal jy ’n “My Skole”-skakel sien waarop jy moet klik. Indien jy nie hierdie bladsy sien nie, skakel asb. vir Jacqueline by 011 919 9038.
• Klik dan op jou skool se naam, wat jou na die skool se profiel sal neem. Indien jy nie jou skool se naam sien nie, skakel asb. vir Jacqueline by 011 919 9038.
• Klik op die blou “Koop krediete vir ATKV-Projekte”-skakel.
• Kies ATKV-DigiSpanpraat op die lys van opsies onder “Produk”.
• Sleutel die aantal krediete of inskrywings in vir die aantal spanne wat deur die skool ingeskryf gaan word.
• Kies om jou skool te faktureer deur op “vol faktuur” te klik. Die faktuur sal op die skool se “Fakture”-bladsy gestoor word. Laat asb. ’n minuut toe vir die stelsel om die faktuur te genereer.
• Die skool, of die skakelpersoon, kan die skool se betaling maak op die platform (via veilige betalingsopsies soos die kredietkaart- of “Instant EFT”-fasiliteit) of via eksterne EFT.
• Wanneer die betaling ontvang is (en verskyn op die bankstaat van die ATKV), sal die krediete op die skool se profiel gelaai word, onder die “Projekte en Krediete Allokasies”-bladsy, by “ATKV-DigiSpanpraat”, waar krediete aan spanne toegeken kan word deur hulle besonderhede te bevestig. Elke span se toespraak word ook hier in videoformaat opgelaai.